முருங்கைக்கீரை கூட்டு

தேவையான பொருள்கள்:

1. முருங்கைக்கீரை = அரை கிலோ
2. துவரம் பருப்பு = 100 கிராம்
3. மிளகாய் பொடி = அரை ஸ்பூன்
4. வெங்காயம் = 2
5. பெருங்காயம் = சிறிது
6. மஞ்சள் பொடி = கால் ஸ்பூன்
7. தக்காளி = 2
8. தேங்காய் துருவல் = 4 ஸ்பூன்
9. கடுகு = அரை ஸ்பூன்
10. சீரகம் = அரை ஸ்பூன்
11. உளுத்தம் பருப்பு = 1 ஸ்பூன்
12. எண்ணெய் = 3 ஸ்பூன்
13. உப்பு = தேவையான அளவு

செய்முறை:

• முருங்கைக்கீரையை பழுப்பு நீக்கி ஆய்ந்து கொள்ளவும். துவரம் பருப்பை மஞ்சள் பொடி, பெருங்காயம் சேர்த்து குக்கரில் வைத்து வேக விடவும். கடைந்து கொள்ளவும். வெங்காயம், தக்காளி பொடியாக நறுக்கவும்.
• வாணலியில் எண்ணெய் விட்டுக் காய்ந்ததும் வெங்காயம், தக்காளி வதக்கவும். வதங்கியதும் மிளகாய் பொடி, ஆய்ந்த கீரையை சேர்த்து வதக்கவும்.
• சிறிது வதங்கியதும் அரை கப் நீர் விட்டு மூடி வைத்து 10 நிமிடம் வேக விடவும். வெந்ததும் கடைந்த பருப்பை சேர்த்து மேலும் சிறிது வதக்கி தேங்காய் துருவி சேர்க்கவும். இதை கிளறி இறக்கவும்.
• பேனில் எண்ணெய் விட்டுக் காய்ந்ததும் கடுகு, சீரகம், உளுத்தம் பருப்பு தாளித்து சேர்க்கவும்.

சுவையான முருங்கைக்கீரை கூட்டு தயார்.  இதை ரைஸ் மற்றும் சப்பாத்தி, பரோட்டா போன்றவற்றோடு பரிமாறலாம்.

மருத்துவ குணங்கள்:

• முருங்கையில் வைட்டமின்  A, வைட்டமின் C, கால்சியம்,  பொட்டாசியம், இரும்பு சத்து, புரதம், ஊட்டச்சத்து அதிகமாக உள்ளது. உயர் இரத்த அழுத்தம், தாது விருத்தி, வாதம் போன்றவவை குறையும்.
• மேலும் முருங்கை தாய்ப்பாலை அதிகரிக்க உதவும். தலைவலி, ஜலதோஷம், இருமல், மூலம் ஆகியவை குறையும்.